SMP-S3 toutes les matières:



  1. Analyse Numérique
  2. Analyse complexe
  3. Mécanique solide
  4. Thermodynamique 2
  5. Techniques spectro
  6. Électromagnétisme
​

SMP-S3

عنحاول نشارك معاكم شي معلومات على المواد لي عتقراوهوم ف S3. المهم كاينين 6 دالمواد بالنسبة لlangue مكايناشي صافي حدا S2. وعيتزادو الأشغال التطبيقية TP (travaux pratiques) المواد هما :


1 - Mécanique du solide

من بين الموديلات لي خصك تضرب فيه النقطة. الحلاوة فالخدمة ، هو فحال دS1 وساهل عليه غير عوض نقطة عندرسو جسم صلب. الاستاذ(الدجبلي) لي كيقريها مزيان وحاول تحضر معاه الكور حيت كيكتب ملخص وواعر وخا عندو الپوليكوپ.  المهم اذا فهمتي شوية الكور وخدمتي التيدي مزيان، ولكن ضاروري تخدم الامتحانات حيت التروكوس كاينين فيهم اما التيدي غير فحال تطبيق. وحد القضية مهمة هي كاين واحد الپوليكوپ فيه التمارين د الاستاذ  واعر خدموه وإن شاء الله تكون شي نقطة واعرة. بالنسبة ل TP النسبة ديالو 33% فيه 3 دالحصص ثم امتحان لي عبارة عن تجربة من ذيك التجارب لي عملتيها. حاول تسجل بكري .على الاكثر 3 دناس كيعملو راپور مع بعضوم على ذاك الشي وكتكون عليه النقطة.

2 - Thermodynamique II

من بين المواد لي كيجبرو الطلبة فيه مشكل فالاول. هو كتتمة لطيرمو د S1 وضروري تكون عارفو اصلا الاستاذ عيعاو يشرحو فالاول.  الاستاذ(الحلاوتي) لي كيشرح هذ المادة متمكن منا وهو لي شابر الكور والتيدي حاول مضيعشي شي حصة معاه. وكرد التيدي مزيان فهمو وعاودو...

3 - Électricité II ou Électromagnétique

من بين الموديلات الساهلين لي خصك ضرب فيهم النقطة ، كيحتاج شي حاجة من électricité دs2ولكن مشي صعيب,غير عوض اليكتروستاتيك(E) كاين اليكترومانيتيك(B) وفالcircuit  كاين داكشي فحال  دالباكRLC وكيتزاك عليه شي حاجة دالكومپليكس بالنسبة ل Tp فيه 3او4 دالحصص فحال الميكانيك كاينة النقطة على الراپور كتعدلواه 3 بيكم + امتحان لي عبارة عن تحربة من ذيك التجارب لي عملتي . خصك غير تعقل عليهم ولا سجلوم بالتيليفون ملي تسالي....

4 - Spectro

كيقريواه زوج اساتذة فالاول شي حاجة دالشيمي اورچانيك ومن بعد كيكمل (بنعبدالوهاب) عليه، الموديل فيه شوية دالفهامة وحتا الحفاظة. فيه corp noir ; effetphotoelectrique; rayon X; RMN... المهم الدروس التيدي الامتحانات كاملين عتجبروم ف الجروب ديالو ,  العام لي فات كان عامل زوج حصص وحدة بالعربية واخرى بالفرنسية.  فيه Tp حصة وحدة يمكن تكونو حتى 5 بيكم وفيه الراپور ولكن الامتحان فالورقة مشي تجربة وكيدقق بزاااف فالراپور. الامتحان الاخير كيجي ساهل ومرة مرة شي اسئلة معاودة غا العام لي فات بدل المنهجية وجابو غير دالحفاظة . 

5 - Analyse complexe

هي نيت كومپليكس وكيتشكاو منا بزاف ولكن واعرة فالخدمة غير عطيها الوقت وحاول تڤاليديها فالعادية + الاستاذ لي كيشرحا واعر.و #كنصيحة حاول تخدم التيدي بالتصحيح ديالو (الجباري) فيها 3 دالشاپيترات الاولي حساب دنهايات عقدية والثانية شي حسابات مهمة فالفيزياء (le champ, flux....) والثالثة حصك تعرف غير شي تحويلات د fourir... الامتحان فالمتناول كيجي شني لي كيصعبا هو شي اساتذة د TD كيجاوبو بشي طريقة طويلة اذا عدلتيها معيكفاكشي الوقت.

6 - Analyse numérique

تقدر تبالك هذ المادة فالاول فشكل ولكن هي ساهلة وفيها غير العلاقالات والحساب الباسل. شخصيا فهمتا غير من اليوتوب وشوية TDمع استاذ فراحي  (الوجه داستاذ دالكور عمري شوفتو  ).الكور والتيدي والامتحانات عتجبروم هنا ولا يمكلك دخل للسيت ديال الاستاذ ferrahi.ma.



- المهم لي عندو شي سؤال على شي حاجة مرحبا يخليها فكومونطير. ولا ويتواصل معايا من خلال email.  😊.


Et Bon Courage à tous